Rhwydwaith Abl

Rhwydwaith staff anabledd Cyngor Bro Morgannwg.

Mae Abl yn croesawu aelodaeth gan staff ag anableddau neu gyflyrau iechyd neu unrhyw nam hunan-nodwyd arall. Mae Abl hefyd yn croesawu aelodaeth gan staff sy'n rhoi cyngor neu gymorth i bobl ag anableddau, yn ogystal â staff sy'n dymuno ymuno fel cynghreiriaid.

Mae Abl yn anelu at:

• Darparu cefnogaeth a gwybodaeth i staff ag anableddau, yn ogystal â chanllawiau i reolwyr a chynghreiriaid

• Codi ymwybyddiaeth a dealltwriaeth o wahanol anableddau a chyflyrau iechyd er mwyn helpu i wella profiadau a pherthnasoedd

• Llunio a dylanwadu ar bolisïau a gwasanaethau drwy fod yn grŵp cynrychioliadol ar gyfer ymgysylltu ac ymgynghori

• Hyrwyddwr a chefnogi staff ag anableddau yn y gweithle i sbarduno mwy o ganlyniadau a hyrwyddo llais staff ag anableddau yn y Cyngor.

Bydd Abl yn gweithio gyda'r rhwydweithiau staff eraill i hyrwyddo cynhwysiant, hygyrchedd, ymwybyddiaeth, a derbyn ledled Bro Morgannwg.

Mae Abl yn cydnabod y gall anabledd olygu pethau gwahanol i wahanol bobl felly byddwn yn cynnwys ac nid eithrio, gan eich cefnogi ym mha bynnag ffordd rydych chi'n disgrifio eich anabledd.

Mae Cyngor Bro Morgannwg yn defnyddio'r model cymdeithasol o anabledd. Mae ein polisi cydraddoldeb yn dweud:

Mae'r model hwn yn dweud ein bod ni, fel cymdeithas, yn achosi anabledd drwy y ffordd yr ydym yn trefnu pethau. Mae'n edrych ar ffyrdd o gael gwared ar rwystrau sy'n cyfyngu ar ddewisiadau bywyd i bobl anabl. Pan fyddwn yn gwneud hyn, gall pobl anabl fod yn annibynnol ac yn gyfartal mewn cymdeithas. Mae'n rhoi dewis a rheolaeth i bobl dros eu bywydau.